بھارت کی معروف مرکزی جامعہ یونیورسٹی آف حیدرآباد (یو او ایج) اور یونیورسٹی آف ڈھاکہ (یو او ڈی) بنگلہ دیش کے مابین مفاہمتی یادداشت کا تبادلہ عمل میں آیا۔
بنگلہ دیش کی طرف سے ڈھاکہ یونیورسٹی کے وائس چانسلر، پروفیسر ڈاکٹر محمد اختر الزمان اور بھارت کی ہائی کمشنر محترمہ ریوا گنگولی داس کے درمیان یہ مفاہمت نامہ انجام دیا گیا کیا۔
حیدرآباد ہاؤس، نئی دہلی میں مشترکہ ترقیاتی منصوبوں کے آغاز کے دوران بنگلہ دیش کی وزیر اعظم شیخ حسینہ اور بھارتی وزیر اعظم نریندر مودی کی موجودگی میں ایک تقریب کا اہتمام کیا گیا جس میں یونیورسٹی آف حیدرآباد کے رجسٹرار پی سردار سنگھ موجود تھے۔
یہ ایم او یو بنیادی طور پر ایک عمومی ایم او یو ہے۔ جس میں دونوں جامعات کے درمیان تعلیمی جہات سے متعلق تعاون اور تبادلہ کیا جائے گا۔
مزید پڑھیں : ضرورت پڑنے پر تلنگانہ بند، تلنگانہ جے اے سی کی دھمکی
جس میں اہم شعبے اکیڈمک ایکسچینج، آر اینڈ ڈی کوآپریشن، طلبا کا داخلہ، معلومات کا تبادلہ، قومی اور بین الاقوامی امور میں مشترکہ مذاکرات اور باہمی دلچسپی کی کانفرنسیں شامل ہیں۔
مزید یہ کہ اس مفاہمت نامہ کی بنیادی توجہ مساوات اور باہمی تعاون کی بنیاد پر تعلیم اور تعلیمی امور کے تعاون کو فروغ دینا اور دونوں یونیورسٹیوں کے مابین تعلقات اور باہمی مفاہمت کو فروغ دینا ہے۔
