حیدرآباد ٹریفک جوائنٹ کمشنر رنگاناتھ نے کہا کہ عوام کورونا وبا کی وجہ سے مسلسل پریشانیوں کے شکار ہیں اور معاشی پریشانیوں سے دو چار ہیں۔ بالخصوص غریب اور متوسط طبقے کے لوگ اس وبا سے کافی متاثر ہوئے ہیں۔ Discount on Challan
ان کی پریشانیوں کو دور کرنے کے مقصد سے تلنگانہ ٹریفک پولیس نے فیصلہ کیا ہے کہ ریاست بھر کے عوام پر کیے گئے ٹریفک چالانات میں کمی کی جائے۔
انھوں نے کہا کہ موٹر سائیکل، آٹو رکشہ اور ٹھیلہ بنڈی والے صرف %25 رقم ادا کرکے %75 کی رعایت پائیں، آر ٹی سی ڈرائیورز %30 ادا کرکے %70 چھوٹ پائیں، لائیٹ موٹر وہیکل اور ہیوی موٹر وہیکل والے %50 چالانات ادا کرکے باقی %50 کی رعایت حاصل کریں۔ علاوہ ازیں فیس ماسک والے چالانات پر صرف 100 روپیے ادا کرکے 900 روپئیوں کی چھوٹ پائیں۔
Gulbarga Traffic Police: گلبرگہ میں گاڑیوں کے دستاویز کی چیکنگ
انھوں نے کہا کہ ٹریفک چالانات میں پہلی مرتبہ بھاری رعایت دی گئی ہے تاکہ عوام کے بوجھ کو کم کیا جاسکے۔ انہوں نے کہا کہ پچھلے اسمبلی سیشن میں عوام کو تیقن دیا گیا تھا کہ ٹریفک چالانات میں رعایت فراہم کی جائے گی جس کو پورا کیا گیا ہے۔
انھوں نے کہا کہ چالانات کو ای چالان ویب سائٹ پر آن لائن ادا کرنا ہوگا جس کے لیے یکم مارچ سے 31 مارچ تک کا وقت مقرر کیا گیا ہے۔ Challan to be Paid Online
انھوں نے عوام سے گزارش کی ہے کہ ٹریفک چالانز کو ادا کرنے کے لیے اس زریں موقع کا فائد اٹھائیں اور اپنے چالان ادا کریں۔
