حیدرآباد: حیدرآباد پولیس نے تین افراد کو گرفتار کرتے ہوئے کرکٹ سٹہ بازی کے ریکٹ کو بے نقاب کیا۔ پولیس نے ان کے قبضہ سے 2.10 لاکھ روپے کے ساتھ ساتھ تین سل فونز بھی ضبط کیے۔ ایک اطلاع پر ٹاسک فورس نارتھ زون کی ٹیم نے چھتری ناکہ پولیس کے ساتھ مل کر چھاپہ مارا۔
اس کارروائی میں پولیس نے چھتری ناکہ علاقہ میں ایک مکان پر چھاپہ مارتے ہوئے بُگل کنٹہ میں رہنے والے 29 سالہ جئیش راوت (متوطن راجستھان)(بُکی)، 30 سالہ جے راہل (سب بُکی)، 31 سالہ ٹی نکھل کو گرفتار کرلیا۔ یہ افراد آن لائن کرکٹ بٹنگ کررہے تھے۔ ملزمین کو مزید کارروائی کیلئے چھتری ناکہ پولیس کے حوالے کر دیا گیا۔ Cricket Betting Case in Hyderabad
یواین آئی
