تلنگانہ سی پی ایم کے سینئر رہنما اور سابق رکن اسمبلی نرسمہم چل بسے۔ 52سالہ نرسمہم کو پانچ دن قبل نمس میں داخل کروایا گیا تھا جہاں علاج کے دوران آج صبح کی اولین ساعتوں میں ان کی موت ہو گئی۔ سنہ 2004 میں انہوں نے سی پی ایم کی طرف سے مقابلہ کرتے ہوئے ابراہیم پٹنم اسمبلی حلقہ سے کامیابی حاصل کی تھی۔
وہ عوامی مسائل کو حل کرنے میں پیش پیش رہتے تھے، سی پی ایم کو فروغ دینے کے لیے ہمہ تن مصروف رہتے تھے۔ پارٹی ذرائع کے مطابق ان کے چلے جانے سے پارٹی کو نقصان ہوا ہے۔ متحدہ آندھراپردیش میں کمیونسٹ جماعتیں کچھ علاقوں میں کافی مضبوط تھیں۔
