روس کے شہر کازان میں 9/11 جیسا حملہ، تین عمارتوں پر ڈرون اٹیک، ویڈیو دیکھیں

اس حملے سے روس کے شہر کازان میں خوف و ہراس پھیل گیا ہے۔ سپوتنک ایجنسی نے حملے کا ویڈیو جاری کیا ہے۔

ماسکو: روس یوکرین جنگ کے درمیان روس کے شہر کازان پر بڑا حملہ ہوا ہے۔ خبر ہے کہ یوکرین کی جانب سے تین بڑی عمارتوں کو نشانہ بنایا گیا ہے۔ یہ حملے ڈرون کے ذریعے کیے گئے ہیں۔ واقعے کی تصاویر ویڈیو سوشل میڈیا پر شیئر کی گئی ہیں۔ اس حملے کے بعد روس کے شہر کازان میں افراتفری مچ گئی۔

❗️UKRAINE MOUNTED THREE WAVES OF DRONES TO ATTACK CIVILIAN INFRASTRUCTURE IN RUSSIAN CITY OF KAZAN

Kiev used three waves of drone attacks from different directions to hit civilian targets in Kazan; three drones were destroyed, and three more were suppressed by electronic… pic.twitter.com/RyyV5I4r9X

— Sputnik (@SputnikInt) December 21, 2024

روسی خبر رساں ایجنسی سپوتنک نے سوشل میڈیا ایکس پر اس بارے میں جانکاری دی۔ ایجنسی کے مطابق یوکرین نے روسی شہر کازان میں سویلین انفراسٹرکچر پر ڈرون حملے کیے۔ یوکرین نے کازان میں شہری اہداف کو نشانہ بنانے کے لیے مختلف سمتوں سے ڈرون حملے شروع کیے ہیں۔ ادھر روسی وزارت دفاع نے کہا کہ تین ڈرونز کو تباہ کر دیا گیا۔

یہ حملہ امریکہ کے نائن الیون حملے کی یاد تازہ کر رہا ہے۔ روسی ایوی ایشن واچ ڈاگ روساویاتسیا کے مطابق، روس کے قازان ہوائی اڈے نے شہر پر یوکرین کے ڈرون حملے کے بعد تمام پروازیں عارضی طور پر معطل کر دیا ہے۔

روسی خبر رساں ایجنسی سپوتنک کی جانب سے جاری کیے گئے ویڈیو میں دیکھا جا سکتا ہے کہ ڈرون عمارت سے ٹکرا رہا ہے۔ اس کے بعد زوردار دھماکہ ہوا اور عمارت میں آگ لگ گئی۔ ان عمارتوں میں لوگ رہ رہے تھے یا نہیں، یا ان حملوں میں کتنا جانی نقصان ہوا ہے، ابھی تک اس بارے میں جانکاری نہیں مل سکی ہے۔ اس حملے پر ردعمل آنا شروع ہو گیا ہے۔ روس کی وزارت دفاع نے کہا کہ کازان میں یوکرین کا ایک ڈرون مار گرایا گیا ہے۔

اس سے قبل روس یوکرین پر درجنوں میزائل اور ڈرون داغ چکا ہے۔ دارالحکومت کیف میں ہونے والے ان حملوں میں کم از کم ایک شخص ہلاک ہوا۔ یوکرین کی فضائیہ نے کہا کہ روس نے جمعرات کی رات 60 ڈرون فائر کیے، حالانکہ 20 کو اپنے ہدف تک پہنچنے سے پہلے ہی مار گرایا گیا، اور ملک بھر کے شہروں اور قصبوں پر پانچ بیلسٹک میزائل داغے گئے۔