نئی دہلی: حکومت ہند نے راشن کارڈ سے متعلق ضابطوں میں ایک بڑی تبدیلی کی ہے۔ اس کے مطابق راشن کارڈ رکھنے والوں کو اب اپنا راشن کارڈ دکھانے کی ضرورت نہیں رہے گی۔ آپ کو راشن کارڈ ایپ کے ذریعے راشن مل جائے گا۔
اس کے لیے آپ کو ایک ایپ ڈاؤن لوڈ کرنے کی ضرورت ہے۔ اس ایپ کا نام 'Mera Ration 2.0' ہے۔ آپ اسے پلے اسٹور سے ڈاؤن لوڈ کر سکتے ہیں۔ حکومت نے یہ ایپ لانچ کیا ہے۔ اس کی مدد سے آپ کو راشن مل جائے گا۔ پہلے کی طرح اب آپ کو راشن کارڈ لے جانے کی ضرورت نہیں پڑے گی۔
فی الحال راشن حاصل کرنے کے لیے کارڈ ہولڈرز کو کارڈ کے ساتھ راشن کی دکان پر جانا پڑتا ہے۔ دکاندار اس پر لکھا ہوا نمبر نوٹ کرتا ہے جس کے بعد اس کی تصدیق ہوتی ہے۔ تصدیق کے بعد آپ کو راشن ملتا ہے۔ لیکن اب آپ کو اپنے موبائل میں میرا راشن 2.0 ایپ کھول کر دکھانا ہوگا، آپ کو راشن کارڈ لے جانے کی زحمت نہیں کرنی پڑے گی اور اس کی تصدیق کرنے کی بھی ضرورت نہیں پڑے گی۔
یہ بھی پڑھیں: مرکز نے ڈیجیٹلائزیشن کے ذریعہ 5.8 کروڑ فرضی راشن کارڈ ہٹادیئے
ایپ ڈاؤن لوڈ کرنے کے بعد، آپ اپنا آدھار نمبر اور موبائل نمبر درج کریں گے۔ آپ کو OTP موصول ہوگا۔ OTP بھرنے کے بعد آپ کے کارڈ کی تصدیق ہو جائے گی۔ اس کے بعد آپ راشن کی دکان پر جا سکتے ہیں۔
حکومت کی طرف سے دی گئی جانکاری کے مطابق ایپ کا مقصد لوگوں کو ڈیجیٹل سہولیات فراہم کرنا ہے تاکہ لوگوں کو آسانی سے راشن مل سکے۔ یہ قدم ان لوگوں کو راحت فراہم کرے گا جن کا راشن کارڈ یا تو پھٹ گیا ہے، یا خراب ہو گیا ہے، یا وہ اسے لے جانا بھول گئے۔ ایپ ڈاؤن لوڈ کرنے کے بعد اسے لے جانے کی ضرورت نہیں پڑے گی۔
ایپ ڈاؤن لوڈ ہونے کے بعد صرف وہی لوگ راشن حاصل کر سکیں گے جن کے نام کی تصدیق ہو چکی ہے۔ کوئی اور شخص آپ کا راشن حاصل نہیں کر سکے گا۔
مزید پڑھیں:
