عزیز پاشاہ نے دورے کے دوران صحافیوں سے بات کرتے ہوئے کہا کہ طوفانی بارش کے سبب ندیم کالونی اور دیگر محلہ جات کے مکانوں میں پانی داخل ہوگیا ہے، جس کی وجہ سے کافی نقصانات ہوئے۔ ندیم کالونی اور دیگر کالونی میں پانی گھروں میں داخل ہونے کی اصل وجہ تالابوں پر ناجائز قبضوں کا ہونا ہے۔
شاہ ہاتم تالاب 76 ایکڑ اراضی پر مشتمل تھا اور جمالی کنٹہ 46 ایکڑ اراضی پر مشتمل تھا، لیکن اب شاہ ہاتم تالاب 32 ایکڑ تک محدود ہوکر رہ گیا ہے۔ حیدرآباد گولف کورس ایسو سی ایشن نے جمالی کنٹہ تالاب کو گولف گراؤنڈ میں تبدیل کر دیا ہے۔
سابق رکن راجیہ سبھا عزیز پاشاہ نے کہا کہ بارش کا پانی ان تالابوں میں جمع ہوتا ہے، روز بہ روز تیزی سے تالاب چھوٹے ہوتے جا رہے ہیں۔ جس کی وجہ بستیوں میں پانی لگ جا رہے ہیں۔
مزید پڑھیں:
قطب شاہی جامع مسجد کے مینار منہدم
انہوں نے حکومت سے مطالبہ کیا کہ وہ حیدرآباد گولف گراؤنڈ پر جو تالاب ہیں، اس گراؤنڈ کو جلد از جلد ختم کریں۔ ایک کھیل کھیلنے کے لیے عام لوگوں کی زندگیوں سے کھیلا جارہا ہے۔
