تلنگانہ پردیش کانگریس کمیٹی کے صدر اتم کمار ریڈی نےلاک ڈاون کے دوران دو ماہ کے برقی بل معاف کرنے کا وزیراعلیٰ کے چندرشیکھر راؤ سے مطالبہ کیا۔
انہوں نے کے سی آر کو ایک مکتوب روانہ کرتے ہوئے کہا کہ لاک ڈاون کے دوران دو ماہ کے برقی بلز بہت زیادہ جاری کئےگئےجسکی وجہ سے غریب افراد کافی پریشان ہیں۔
اتم کمار ریڈی نے وزیراعلیٰ سے برقی بلز معاف کرنے کا مطالبہ کیا۔ انہوں نے غریب خاندانوں کے برقی بلز کے بوجھ کو کم کرنے کےلیے نان ٹیلی اسکوپک طریقہ کے بجائے ٹیلی اسکوپک طریقہ سے برقی بل جاری کرنے کی بھی اپیل کی جس سے پچاس فیصد برقی بل میں کمی ہوسکتی ہے۔
صدر پردیش کانگریس کمیٹی نے مزید کہا کہ تلنگانہ اسٹیٹ ایس پی ڈی سی ایل نے تین ماہ تک استعمال ہونے والی برقی کا ایک ہی بل تیار کیا ہے جبکہ سو یونٹس اور دو سو یونٹس سے زائد کے استعمال کی شرحیں بہت زیادہ ہے جس سے برقی کی فی یونٹ کی شرح میں بے تحاشہ اضافہ ہوگیا۔
انہوں نے یہ بھی الزام لگایا کہ برقی بلز میں متعدد غلطیاں بھی دیکھی جارہی ہے اور محکمہ برقی کی جانب سے بلز کی عدم ادائیگی پر صارفین کے کنکشن منقطع کردینے کی دھمکیاں بھی دی جارہی ہیں۔
