حیدرآباد کی عابڈز ٹریفک پولیس نے ایک بائیک کو ضبط کرلیاجس پر 141چالانات زیرالتواتھے۔
عابڈز ٹریفک پولیس نے ہفتہ کی صبح جگدیش مارکٹ علاقہ میں معمول کی تلاشی مہم کے دوران اس گاڑی سوار کو پکڑا۔اس کی گاڑی پر 141چالانات زیرالتواتھے۔
اس شخص کی شناخت فیروز کے طورپر کی گئی ہے۔چالانات کی رقم تقریبا 33ہزار روپئے ہے۔سٹی ٹریفک پولیس نے زیرالتواچالانات والی گاڑیوں پر توجہ مرکوز کردی ہے۔مختلف ٹریفک جنکشنس پر گاڑیوں کی تلاشی مہم چلائی جارہی ہے تاکہ ٹریفک قوانین کی خلاف ورزی کرنے والوں کو پکڑا جاسکے۔
واضح رہے کہ گزشتہ ہفتہ بھی ایک شخص کو سوماجی گوڑہ علاقہ میں پکڑاگیا تھا۔اس کی گاڑی پر 117چالانات زیرالتواتھے۔ان چالانات کی رقم 29,720روپئے تھی۔
یواین آئی
