تلنگانہ کے چیف سیکریٹری سومیش کمار کے ساتھ مرکزی ٹیم کے وفد کی میٹنگ ہوئی جس میں کورونا کیسز اور اس کے انسداد سے متعلق کیےجانے والے اقدامات پرمرکزی ٹیم نے جانکاری حاصل کی۔
اس موقع پر کورونا کیسز کی تعداد زیادہ پائے جانے والے اضلاع کی نشاندھی کی گئی، خاص طور پر حیدرآباد،رنگا ریڈی اور میڈچل ضلعوں میں کورونا معاملات میں اضافے کی وجوہات اور وبا کو روکنے کے لیے اقدامات پر غور کیا۔
نیتی آیوگ کے رکن ونود کمار پال نے مرکزی ٹیم کی قیادت کی اور تلنگانہ سے متعلق کورونا کسیز کی تفصیلات حاصل کیں۔
چیف سیکریٹری تلنگانہ سومیش کمار نے کہا کہ وزیر اعلی کے چندرشیکھر راو صورتحال پر نظر رکھے ہوئے ہیں اور روزانہ کی رپورٹ لیتے ہیں، وزیر اعلی نے ہسپتالوں میں تمام تر سہولتیں مہیا کرنے کے اقدامات کرنے حکام کو پابند کیا ہے۔
