تمل ناڈو: سڑک حادثے میں ایک کنبے کے چھ افراد کی موت

تمل ناڈو کے جنوبی ترونیویلی ضلع میں جمعرات کو پڈاری ٹنڈی ونم چنئی قومی شاہراہ پر ایک مسافر گاڑی کے ڈیوائیڈر سے ٹکراکر پلٹ جانے سے اس میں سوار ایک ہی کنبے کے چھ افراد کی موت اور دو بھائی بہن شدید طور پر زخمی ہوگئے۔

پولیس ہیڈ کواڑٹر کو حاصل شدہ رپورٹ میں بتایا گیا ہے کہ یہ حادثہ آج صبح تقریباً سوا چھ بجے پیش آیا۔ متاثرین ترونا ویلی ضلع میں تسیان ولئی سے چنئی کی جانب جارہے تھے، تبھی یہ حادثہ پیش آیا۔ مسافر گاڑی جب پڈاری پہنچی تو ڈرائیو نے اچانک گاڑی پر قابو کھو دیا۔ گاڑی ڈیوائیڈر سے ٹکراکر پلٹ گئی جس میں ایک تین سالہ بچے سمیت کنبے کے چھ افراد کی موقع پر ہی موت ہوگئی۔

مہلوکین کی شناخت موروگیش (40)، موروگا راج (38)، سوری موروگن (35)، ملار (30)، راجی اور موتھو منیشا (3) کے طور پر کی گئی ہے۔ دو بھائی بہن متھو منیشا (8) اور موتھو ہریش (6) اس حادثے میں شدید طور پر زخمی ہوگئے۔ انہیں میانمبکم ولوپ پورم سرکاری میڈیکل کالج اور اسپتال میں داخل کرایا گیا ہے۔