پڈوچیری کا اسمبلی آڈیٹوریم بند

پڈوچیری میں این آر کانگریس کے ایم ایل اے، این ایس جے بل کے کورونا متاثر ہونے کی تصدیق کے بعد اسمبلی آڈیٹوریم کو بند کردیا گیا ہے اور اسے سینیٹائز کیا جارہا ہے۔

مرکز کے زیر اقتدار ریاست پڈوچیری میں این آر کانگریس کے ایم ایل اے این ایس جے بل کے کورونا سے متاثر ہونے کی تصدیق کے بعد اسمبلی آڈیٹوریم کو بند کردیا گیا ہے اور اسے سینیٹائز کیا جارہا ہے۔
اس درمیان اسمبلی اینیکسی بھون کی چوتھی منزل پر واقع کانفرنس آڈیٹوریم میں اجلاس منعقد کرنے کا فیصلیہ کیا، لیکن حکام نے اس کے لئے جگہ کی تنگی بتائی۔ اس کے بعد اسپیکر وی پی شیوکولنتھو، وزیراعلیٰ وی نارائن سامی ، وزراء اور ممبران اسمبلی نے کھلی جگہ پر اجلاس کرنے کا فیصلہ کیا۔
شیو کولنتھو نے صحافیوں کو بتایا کہ اسمبلی احاطہ کے اندر ایک نیم کے درخت کے نیچے اجلاس کی کارروائی ہوگی۔ اس دوران اجلاس میں حصہ لینے والے سبھی وزراء،ممبران اسمبلی اور میڈیا کے لوگوں کے کووڈ ٹیسٹ کرنے کی ہدایت دی ہے۔ انہوں نے کہا کہ اس تعلق سے لیفٹیننٹ گورنرکرن بیدی کو اطلاع دے دی گئی ہے۔