مرکزی وزیر داخلہ امت شاہ ممکنہ طور پر 23 تا 25 اکتوبر جموں اور کشمیر کے دونوں صوبوں کا دورہ کریں گے اور یہاں اعلیٰ افسران کے ہمراہ تعمیراتی کاموں کا جائزہ لیں گے۔ وزیر داخلہ سکیورٹی ایجنسیوں کے ساتھ جموں وکشمیر کی صورتحال اور امن وقانون کا بھی جائزہ لیں گے۔
قابل ذکر ہے کہ یہ امت شاہ کا دفعہ 370 کی منسوخی کے بعد جموں و کشمیر کا پہلا دورہ ہوگا۔
اس کے علاوہ امت شاہ وادیٔ کشمیر میں دور افتادہ علاقوں کا بھی ممکنہ طور دورہ کررہے ہیں، وہیں وہ جموں صوبے میں بھی کئی علاقوں کا دورہ کریں گے۔
قابل ذکر ہے کہ گزشتہ ہفتوں سے مرکزی وزراء جموں اور کشمیر کا دورہ کررہے ہیں جس دوران وہ مختلف علاقوں میں جاکر تعمیراتی کاموں کا جائزہ لے رہے ہیں۔
مرکزی سرکار نے جموں و کشمیر میں 70 وزراء کو ’’میگا اوٹریچ پروگرام‘‘ کے تحت یہاں بھیجا ہے اور اسی پروگرام کے تحت وزیر داخلہ امت شاہ بھی جموں و کشمیر کے دورے پر آرہے ہیں۔
