اگر آپ نے بیرون ریاست سے گاڑی خریدی ہے تو یہ ضرور پڑھیں

ریجنل ٹرانسپورٹ آفسر کشمیر نے ایک حکم نامہ جاری کیا ہے جس میں باہر سے خریدی ہوئی گاڑیوں کا کشمیر میں رجسٹریشن کرانا لازمی قرار دیا گیا ہے۔ اگر ایسا نہیں کیا گیا تو گاڑی ضبط کی جائے گی۔

ریجنل ٹرانسپورٹ آفسر کشمیر نے اپنے ایک حکمنامے میں بیرون ریاستوں سے خرید کر لائی گئی گاڑیوں کا جموں وکشمیر میں رجسٹریشن کو لازمی قرار دیا ہے۔ اس دوران وادی کشمیر کے مختلف اضلاع میں بیرون ریاستوں کی ان گاڑیوں کو ضبط کیا جائے گا جو کہ یہاں رجسٹر نہیں ہوں گی۔

ریجنل ٹرانسپورٹ آفسر نے اپنے جاری کردہ حکمنامے میں تمام اضلاع کے اسسٹنٹ ریجنل ٹرانسپورٹ افسران کو ہدایت دی ہے کہ بیرون ریاست سے خریدی گئی ان گاڑیوں کو ضبط کریں جو کہ یہاں کی سڑکوں پر بنا رجسٹریشن کے چل رہی ہوں گی۔ متعلقہ حکام نے رجسٹریشن کے لیے مناسب طریقہ کار پر عمل کرنے کا مشورہ دیا ہے۔

آر ٹی او کشمیر کی جانب سے نوٹیفیکشن میں کہا گیا ہے کہ اگر آپ کے پاس باہر سے خریدی گئی ایسی گاڑی ہے تو اسے فوری طور پر منتقل کریں اور اے آر ٹی او کے دفتر میں رجسٹر کروائیں اور ضبط ہونے بچیں۔

اس دوران اتوار کو وادی کے کئی اضلاع میں اتوار کے روز درجنوں گاڑیوں کو ضبط کیا گیا۔ ادھر اس حکمنامے پر لوگوں کی جانب سے مختلف سوال اٹھائے جا رہے ہیں۔