سماجی رابطہ گاہ ٹویٹر پر اپنے خیالات ظاہر کرتے ہوئے سابق وزیر اعلیٰ عمر عبداللہ نے کہا کہ ’’جموں و کشمیر میں دو چیف سیکرٹریز ہیں۔ تبادلہ شدہ سیکریٹری کے وفاداروں اور کام کرنے کی چاہ رکھنے والے لوگوں کے درمیان انتظامیہ تقسیم ہو چکی ہے۔‘‘
عمر عبداللہ نے ان باتوں کا اظہار ایک ٹویٹ کے جواب میں کیا، ٹویٹ میں دعویٰ کیا گیا ہے کہ’’تبدیل ہونے والے چیف سکریٹری بی وی آر سبرامنیم سرکاری گاڑی اور دفتر کا ابھی بھی استعمال کر رہے ہیں اور انہوں نے لیفٹیننٹ گورنر کے زیر صدارت گزشتہ روز منعقد ہوئے اجلاس میں بھی شرکت کی، جبکہ نئے عہدے دار اے کے مہتا کو دوسرے دفتر سے کام کرنے پر مجبور کیا گیا‘‘۔
