نئی دہلی: نیشنل انویسٹی گیشن ایجنسی (این آئی اے) نے جمعرات کے روز دو ملزمین کے خلاف چارج شیٹ داخل کی ہیں، جنہیں گزشتہ برس جولائی میں القاعدہ سے وابستگی کے الزام میں گرفتار کیا گیا تھا۔ مرکزی ایجنسیوں کی معلومات کی بنیاد پر سی سی بی حکام کی ایک ٹیم نے تلک نگر میں ایک کرائے کے مکان پر چھاپہ مارا اور 24 سالہ اختر حسین کو گرفتار کیا، جو جنوری 2020 سے فوڈ ڈیلیوری ایجنٹ کے طور پر کام کر رہا تھا۔ اس کی جانکاری کی بنیاد پر این آئی اے حکام بعد ازاں اس کے ساتھی عبدالعلیم مونڈل کو گرفتار کیا جو مغربی بنگال کا رہائشی ہے جو تمل ناڈو کے سیلم میں گارمنٹس فیکٹری میں کام کرتا تھا۔
این آئی اے کی ایک ریلیز میں دعویٰ کیا گیا کہ ملزمان نے نوجوانوں کو کشمیر اور افغانستان کے صوبہ خراسان میں دہشت گردی کی تربیت کے لیے بھیجنے کا منصوبہ بنایا تھا۔ ملزمان نے نوجوانوں کو بھارت میں فرقہ وارانہ تشدد بھڑکانے کے لیے اکسایا۔ این آئی اے نے دعویٰ کیا کہ ملزمین کے کہنے پر بہت سے مشتبہ مواد برآمد کیے ہیں۔
