سرینگر: ایڈیشنل ڈائریکٹر جنرل (کشمیر زون) وجے کمار نے منگل کے روز سرینگر کے لال بازار علاقے میں ہوئے عسکری حملے کی تحقیقات کے حوالے سے کہا کہ موقع واردات کی سی سی ٹی وی فوٹیج کا تجزیہ کیا جا رہا ہے۔ حملے میں ایک پولیس اے ایس آئی ہلاک اور دو پولیس اہلکار زخمی ہوئے تھے۔
اُن کا کہنا تھا کہ "چونکہ آج عیدالاضحیٰ کا تیسرا دن تھا اس لیے لوگوں کی کافی بھیڑ تھی۔ بھیڑ کو قابو میں رکھنے کے لیے پولیس کی چھوٹی ٹیم کا علاقے میں ناکا لگایا تھا۔ اس ٹیم میں پولیس کا ایک اے ایس آئی اور دو اہلکار تھے۔"
اُن کا مزید کہنا تھا کہ "عسکریت پسندوں نے چھوٹے ناکے اور لوگوں کی بھیڑ کا فائدہ اٹھاتے ہوئے پولیس کے ناکے پر حملہ کیا۔ اس حملے میں اے ایس آئی مشتاق احمد ہلاک ہو گئے جبکہ دیگر دو زخمی ہوئے۔"
مزید پڑھیں:
کمار نے کہا کہ حملے میں زخمی ہونے والے دو پولیس اہلکار مستحکم ہیں اور ہسپتال میں زیر علاج ہیں۔حملے کی تحقیقات کے حوالے سے بات کرتے ہوئے اُن کا کہنا تھا کہ "موقع واردات کی سی سی ٹی وی فوٹیج کا تجزیہ کیا جا رہا، اس کے بعد پتہ چلے گا کہ حملے کے لیے کوں ذمہ دار ہے، جو بھی عسکریت پسند ملوث ہوگا اس کو جلد ہی ہلاک کر دیا جائے گا۔
