سرینگر: جموں و کشمیر میں آنے والے دنوں میں موسم میں تبدیلی آنے کا امکان ہے۔ محکمہ موسمیات کے مطابق جموں و کشمیر کے بعض علاقوں میں 5 اور 6 نومبر کو بارش اور برف باری کی توقع ہے۔ محکمہ موسمیات کا کہنا ہے کہ اتوار کو بعض علاقوں میں موسم زیادہ خراب ہونے کا امکان ہے۔ جبکہ 4 نومبر سے ہی موسم میں تبدیلی آنے کی توقع ہے۔ Kashmir Snowfall
موسم میں تبدیلی کے باعث مغل روڈ، سرینگر -جموں شاہراہ اور سرینگر - لیہہ شاہراہ بھی متاثر ہو سکتے ہیں جس کے باعث ان شاہراہوں پر ٹریفک کی آمد و رفت معطل ہونے کا امکان ہے۔ Rains snow in kashmir
ادھر، محکمہ موسمیات کی جانب سے جاری اعداد و شمار کے مطابق وادی کشمیر کے مشہور سیاحتی مقام گلمرگ میں گزشتہ رات کا کم سے کم درجہ حرارت منفی 1.0 ڈگری سیلسیس درج کیا گیا۔ کشمیر کے بیشتر حصوں میں دن کا درجہ حرارت معمول سے 3 سے 4 ڈگری کم ہے۔ دارالحکومت سرینگر میں دن کا درجہ حرارت 18.5 جبکہ گزشتہ رات کا کم سے کم درجہ حرارت 5.0 ڈگری سیلسیس درج کیا گیا۔ مشہور سیاحتی مقام پہلگام میں گزشتہ رات کا کم سے کم درجہ حرارت 0.2 ڈگری سیلسیس درج کیا گیا۔ Night Temperature in Kashmir
مزید پڑھیں: Kashmir Weather Update کشمیر میں برف و باراں
دن بھر صاف موسم کے ساتھ جموں میں گزشتہ رات کا زیادہ سے زیادہ درجہ حرارت 31.1 ڈگری سیلسیس اور کم سے کم درجہ حرارت 15.3 ڈگری سیلسیس درج کیا گیا۔ وہیں بانہال میں گزشتہ رات کا کم سے کم درجہ حرارت 7.2، بٹوٹ میں 9.0، کٹرا میں 15.5، بھدرواہ میں 5.3 ڈگری سیلسیس تھا۔ جموں و کشمیر میں جمعرات شام تک موسم صاف رہنے کی پیشگوئی کی گئی ہے۔
