کشمیر یونیورسٹی حکام نے پیر کو لیے جانے والے بی ایڈ امتحانی پرچے کو ملتوی کر دیا یے، کیونکہ پرچے کے سوالات پہلے ہی تقسیم ہونے کی شکایت موصول ہونے کے بعد یونیورسٹی حکام کو امتحان شروع ہونے سے کچھ وقت قبل ہی امتحان ملتوی کرنا پڑا، جس کی وجہ سے سینکڑوں طلبہ کو امتحانی مراکز سے بغیر امتحان دیے واپس گھر لوٹنا پڑا۔
اطلاع کے مطابق یونیورسٹی حکام کو پیر کو لیے جانے والے بی ایڈ پرچے سے متعلق شکایت موصول ہوئی تھی کہ امتحانی پرچہ گیس پیپر کی صورت میں پہلے ہی تقسیم ہوچکا ہے جس کے بعد معاملے کو سنجیدگی کو لیتے ہوئے متعلقہ حکام نے پرچے کو ملتوی کیا۔
کشمیر یونیورسٹی ترجمان کے مطابق ملتوی کیے گئے پرچے کے امتحان سے متعلق اعلان الگ سے کیا جائے گا، ادھر اچانک امتحانی پرچہ ملتوی ہونے پر امیدواروں میں کافی غم وغصہ پایا گیا، کیونکہ وہ پہلے ہی امتحانی مراکز تک پہنچ چکے تھے۔
انہوں نے کہا کہ یہ یونیورسٹی حکام کی غفلت شعاری کا نتیجہ ہے جس کا خمیازہ طلبا کو بگھتنا پڑا ہے۔
