کشمیری پنڈت برادری نے اس موقع پر اپنے ایک ویڈیو پیغام میں مسلمانوں کو عید کی مبارکباد دیتے ہوئے پنڈت مسلمان بھائی چارہ کے لئے دعاء بھی کی ہے۔
سوشل نیٹ ورکنگ ویب سائٹ ٹوئٹر اور فیس بک پر اس حوالے ایک ویڈیو پیغام جاری کیا گیا جس میں کشمیری پنڈت برادری سے وابستہ درجنوں افراد نے کشمیری مسلمانوں کو عید کے اس موقعے پر انہیں مبارکباد پیش کیا۔
اس دوران انہوں نے اپنے اس پیغام میں انہیں گھروں کے اندر عید منانے کی صلاح دیتے ہوئے یہ دعائیں بھی دی کہ جلد وہ کورونا وائرس کے خاتمے کے بعد اگلی عیدوں پر ایک دوسرے کے ساتھ مل کر عید منائیں گے۔
انہوں نے اس موقعے پر کشمیر اور کشمیری عوام کو دعائیں دیتے ہوئے یہاں امن و آشتی اور اتحاد و یگانگت کا بھی پیغام دیا۔
ادھر سوشل میڈیا پر وائرل اس ویڈیو پیغام کا کشمیری عوام نے خیر مقدم کیا ہے اور اس کی کافی سراہنا کی ہے۔
اکثر سوشل میڈیا صارفین نے اس پیغام پر بات کرتے ہوئے لکھا کہ کشمیری پنڈت کشمیری تہذیب و تمدن اور یہاں کی تاریخ کا ایک اہم جز ہیں جن کے بغیر کشمیر اور کشمیری لوگ ادھورے ہیں۔
انہوں نے کہا کہ کشمیریت کا کشمیری پنڈتوں کے بغیر کوئی معنیٰ نہیں اور یہاں ہمیشہ کشمیری پنڈتوں اور مسلمانوں کے درمیان بھائی چارہ اور اتحاد رہنا چاہیے۔
