Mehbooba Mufti on JK: بھارت اور پاکستان کی جنگ میں کشمیری پس رہے ہیں، محبوبہ مفتی

جموں و کشمیر پیپلز ڈیموکریٹک پارٹی کی سربراہ و جموں و کشمیر کی سابق وزیر اعلی محبوبہ مفتی نے کہا کہ ایک طرف سے پاکستان اور دوسری جانب سے بھارت جنگ میں مشغول ہیں جس کے سبب جموں و کشمیر کے عوام پس رہے ہیں۔ Mehbooba Mufti on JK

سرینگر: جموں کشمیر کی سابق وزیر اعلٰی اور پی ڈی پی صدر محبوبہ مفتی نے کہا کہ بھارت اور پاکستان جنگ میں مشغول ہیں اور دونوں طرف سے کشمیر ہی پس رہے ہیں۔ جنگی ماحول کو ختم کرنے کے لیے پی ڈی پی کے بانی مفتی محمد سید نے 'سیلف رول' کا ایجنڈا پیش کیا تھا جس سے دونوں ممالک، کشمیر کے مسئلہ کو حل کر سکتے تھے۔ محبوبہ مفتی نے ان باتوں کا اظہار آج سرینگر میں اپنی رہائش گاہ پر نوجوانوں کارکنان سے خطاب کرتے ہوئے کیا۔Mehbooba Mufti Meets South Kashmir Workers

پی ڈی پی ترجمان کے مطابق آج پارٹی کی سربراہ محبوبہ مفتی نے جنوبی کشمیر کے مختلف اضلاع کے نوجوان کارکنان نے اپنی رہائش گاہ گُپکار میں ملاقات کی۔ محبوبہ مفتی نے کارکنان سے کہا کہ وہ پرامن مزاحمت سے ہی جموں و کشمیر میں سیاسی غیر یقینی صورت حال سے نجات حاصل پائیں گے۔ انہوں نے کہا کہ پاکستان ایک طرف سے اور بھارت دوسری جانب سے جنگ میں مصروف ہیں جس کے سبب جموں و کشمیر کے عوام پس رہے ہیں۔