جموں و کشمیر کے ڈائریکٹر جنرل آف پولیس دلباغ سنگھ نے ڈسٹرکٹ پولیس لائن میں کہا کہ 'ہمارا ہمسایہ ملک (پاکستان) جموں و کشمیر میں گڑبڑی پیدا کرنے کے لئے اپنی مذموم کوششوں کو کثرت سے دہرا رہا ہے، لیکن ہماری باہمی کوشش صبر و تحمل کے ساتھ ان کوششوں کو ناکام بنائے گی'۔
ڈی جی پی پولیس لائن میں ان سیکیورٹی اہلکاروں کو انعامات پیش کررہے تھے، جو بان ٹول پلازہ انکاؤنٹر کا حصہ تھے۔
ڈی جی پی نے بان ٹول پلازہ میں صاف ستھری اور کامیاب کاروائی کے لئے جموں پولیس اور سیکیورٹی اہلکاروں کی تعریف کی۔ انہوں نے کہا کہ 'دہشت گردی کی کارروائیوں کا ردعمل بہت ہی تیز اور مناسب تھا اور زمین پر موجود مختلف طاقتوں نے ایک عظیم جذبے اور باہمی ربط کا مظاہرہ کیا'۔
انہوں نے کہا کہ جموں و کشمیر پولیس اور دیگر سیکیورٹی ایجنسیوں کے مابین اجتماعی کوششوں اور اچھی تفہیم کے ساتھ سامبا ضلع میں سرحد پار سے سرنگ کا پتہ چلا ہے۔
ڈی جی پی نے فیلڈ آفیسرز اور اہلکاروں سے حفاظتی سامان اور دیگر ضروریات کے حوالے سے بھی رپورٹ طلب کی اور یقین دہانی کرائی کہ نمایاں ضروریات کی ترجیحی بنیادوں پر تکمیل کی جائے گی۔
ڈی جی پی نے کہا کہ وادی کشمیر میں پہلے ہی جاری کی جانے والی شیلڈز جموں زون میں اہلکاروں کو بھی فراہم کی جائیں گی۔ انہوں نے کہا کہ دہشت گردی کے خلاف جنگ کرنے والے جموں و کشمیر کے اہلکاروں کی حفاظت اور صلاحیت کو بڑھانے کے لئے اعلی سطحی تحفظ کے حامل حفاظتی جیکٹس اور ہیلمٹ بھی مہیا کیے جائیں گے۔
انہوں نے کہا کہ انسداد دہشت گردی محاذ پر اہلکاروں کی استعداد کار بڑھانے کے لئے اضافی خصوصیات والی بی پی گاڑیاں بھی فراہم کی جائیں گی۔
اس موقع پر آئی جی پی جموں، مکیش سنگھ، ڈی آئی جی ، جے ایس کے رینج ، شری وویک گپتا ، ایس ایس پی جموں ، شری شریدھر پاٹل ، کمانڈنٹ 160 بی این سی آر پی ایف ، شری کے ڈی جوشی، ایس پی آپریشن شری نریش سنگھ اور ضلع جموں کے دیگر اعلی افسران موجود تھے۔
