محکمہ تعلیم کے مطابق اسکولوں میں زیر تعلیم جن طلبہ کے والدین کووڈ سے انتقال کرگئے ہیں ان کی تعلیم بنا کسی خلل کے جاری رکھنے کے لیے ڈائریکٹر اسکول ایجوکیشن نے تمام پرائیوٹ اور سرکاری اسکول انتظامیہ کو احکامات صادر کئے ہیں کہ ایسے بچوں سے فیس اور دیگر دوسرے معاملات میں تنگ طلب نہ کیا جائے کیونکہ ان کے اخراجات محکمہ کی جانب ادا کئے جائیں گے۔
ڈائریکٹر اسکول ایجوکیش کی جانب سے اس حوالے سے باضابطہ پرائیوٹ اور سرکاری اسکول انتظامیہ کو حکمنامہ جاری کیا گیا ہے۔
اس غیر معمول فیصلہ سے کشمیر صوبے میں فیس ادا کرنے سے قاصر طالب علموں کی پڑھائی اثر انداز نہیں ہوگی اور کورونا کے سبب فوت ہوئے افراد کے بچے مستقبل میں بنا کسی رکاوٹ یا پریشانی کے اسکولوں میں تعلیم حاصل کر سکیں گے۔
مزید پڑھیں: گرفتار معراج کے رشتہ داروں کا ڈی سی آفس کے باہر احتجاج، انصاف کا مطالبہ
واضح رہے کہ عالمی کورونا وائرس کی دوران جہاں جموں وکشمیر میں 4 ہزار سے زائد افراد اپنی جانیں گنوا بیٹھے وہیں متعدد اسکولی بچے والدین کے سایے سے محروم ہو گئے۔
