سرینگر میں قائم 15 کور (چنار کور) کے جنرل آفیسر کمانڈنگ (جی او سی)، لیفٹیننٹ جنرل ڈی پی پانڈے نے جموں وکشمیر کے لیفٹیننٹ گورنر منوج سنہا سے ملاقات کی اور ان سے جموں و کشمیر میں سلامتی کے موجودہ صورتحال پر تبادلہ خیال کیا۔
جی او سی نے راج بھون سرینگر میں لیفٹیننٹ گورنر سے ملاقات کی۔
سرکاری ترجمان نے بتایا کہ پانڈے نے لیفٹیننٹ گورنر کو جموں و کشمیر میں حالیہ داخلی سلامتی کی پیشرفت اور موجودہ سلامتی کے منظرنامے سے آگاہ کیا۔
اس دوران انہوں نے مرکزی خطے میں سیکیورٹی کے انتظام سے متعلق مختلف اہم امور پر تبادلہ خیال کیا۔
ترجمان نے کہا کہ سنہا نے فوج اور دیگر سیکیورٹی فورسز کے مابین قریبی اور موثر ہم آہنگی کو برقرار رکھنے کی اہمیت پر زور دیا اور سیکیورٹی چیلنجوں کا مقابلہ کرنے کے لئے تمام محاذوں پر تیز نگرانی کرنے کا مشورہ دیا۔
ترجمان نے مزید کہا کہ سنہا نے جموں و کشمیر کے عوام کو محفوظ ماحول فراہم کرنے کے لئے فوج کے کردار کی بھی تعریف کی۔
