کشمیر کے صوبائی کمشنر بصیر احمد خان نے ای ٹی وی بھارت کو بتایا کہ وادی میں تمام آنگن واڑی سینٹرز کو اگلے فیصلے تک بند رکھا جائے گا۔ انہوں نے کہا کہ کورونا وائرس کے خدشات کو نظر میں رکھتے ہوئے یہ ایک احتیاطی تدبیر ہے۔
یاد رہے کہ جموں و کشمیر میں انتظامیہ کی جانکاری کے مطابق 705 افراد کو کورونا وائرس کے خدشات لاحق ہونے کے بعد ڈاکٹروں کی زیر نگرانی میں رکھا گیا ہے۔
قبل ازیں انتظامیہ نے جموں و کشمیر میں چھ اضلاع میں پرائمری اسکول 31 مارچ تک بند رکھنے کا فیصلہ کیا ہے۔
جموں و کشمیر میں انتظامیہ کی جانکاری کے مطابق ایک شخص کو کورونا وائرس کا مریض پایا گیا ہے اور وہ زیر علاج ہیں۔
