سماج رابطہ گاہوں میں ان دنوں کئی ایسے ویڈیو پیغامات منظر عام پر آتے رہتے ہیں جس میں لوگوں سےتلقین کی جارہی ہے وہ حالت کی سنگینی کو دیکھتے ہوئے گھروں سے باہر نہ نکلے۔
وہیں آج کل سماجی رابطہ گاہوں پر کئی اپنے فن کے زریعے بھی لوگوں کو گھروں میں بھیٹنے اور انتظامیہ کو 4جی بحال کرنے پر زور دے رہے ہیں۔
کشمیر کے معروف آرٹس مسعود حسین اپنے فن کے ذریعے اس وبائی بیماری سے بچاؤ کے احتیاطی تدابیر پر عمل پیرا ہونے پر زور دے رہے ہیں۔وہیں لوگوں سے اپیل کرتےہیں کہ وہ انتظامیہ اور صحت محکمے کی جانب سے دئیے گئے ہدایات پر عمل کریں تاکہ اس مہلک مرض کومزید پھیلنے سے روکا جاسکے۔
یہ فنکار اپنی تصویروں کے ذریعے لوگوں کو اپنے ہی گھروں کے اندر رہینے کی تلقین کرتے ہوئے دکھائی دے رہا ہے۔
وادی کشمیر میں گزشتہ دنوں سے کروناوائر سے متاثرہ افراد کے تعداد میں اضافے کے ساتھ جہاں لوگ گھروں میں ہی سمہے ہوئے ہیں وہیں ہر طرف سے وادی کشمیر کے سیاسی سماجی اور پیشہ ور طبقے کی جانب سے 4جی انٹرنیٹ سروس کی بحالی کا مطالبہ بھی زور پکڑتا جارہا ہے ۔
جبکہ لاک ڈاون کے دوران 4جی انٹرنیٹ خدمات کی بحالی پر مسعود حسین بھی ان تصویروں کی وساطت سے انتظامیہ پر زور دے رہے ہیں کہ اس سیول کرفیو کے دوران جموں و کشمیر میں 4جی کی بحالی ناگزیر بن گیا ہے۔
کروناوائرس کے پھیلانے کے خدشات کے پیش نظر جہاں مقامی نواجوان رضاکارانہ طور مقامی مساجد میں نصب لائوڈ اسپیکروں کے ذریعے لوگوں کو گھروں میں ہی رہینے کی اپیلیں کرتے رہتے ہیں وہیں سماجی رابطہ گاہوں کےزریعے بھی مختلف شعبہ جات سے تعلق رکھنے والے لوگ تشویشی بھری صورتحال کو دیکھتے ہوئے ہر ایک کو احتیاط سے کام لینے کی تلقین کرتے دیکھائی دے رہے ہیں۔
کئی سنجیدگی کے ساتھ لوگوں کو سمجھانے کی کوشس کررہےہیں اور کئی مزاحیہ طور اپنے پیغام لوگوں تک پہنچا رہے ہیں ۔
