انجمن اوقاف جامع مسجد نے اطلاع دی ہے کہ ضلع مجسٹریٹ کی سربراہی میں سرکاری اور پولیس حکام نے آج افطار کے بعد جامع مسجد کے احاطے کا دورہ کیا اور اوقاف کے ارکان کو بتایا کہ حکام نے فیصلہ کیا ہے کہ جامع مسجد سرینگر میں جمعۃ الوداع اور شب قدر کے موقع پر تقاریب کے انعقاد کی اجازت نہیں دی جائیگی۔ حکام کے اس فیصلے کی انجمن اوقاف نے سخت الفاظ میں مذمت کی ہے۔
J-K Admin Disallows Jumu'atul Wida, Shab-e-Qadr Prayers in Jamia Masjidواضح رہے گزشتہ کل انجمن اوقاف جامع مسجد سرینگر کے سرکردہ اراکین اور سینئر عہدیداروں کا ایک اہم اجلاس منعقد ہوا تھا جس میں مرکزی جامع مسجد میں مقدس شب قدر اور جمعتہ الوداع کی عظیم تقاریب کے حوالے سے جامع مسجد میں آنے والے نمازیوں اور زائرین کو ہر ممکن سہولیات فراہم کرانے کیلئے انتظامات کا جائزہ لیکر انہیں حتمی شکل دی گئی۔
مزید پڑھیں:No Friday Prayers In Srinagar's Jamia Masjid: جامع مسجد کے منبرو محراب مسلسل 27ویں جمعہ بھی خاموش
وہیں اجلاس میں کہا گیا کہ پروگرام کے مطابق شب قدر کے موقع پر نماز عشاء 10:30 بجے اور نماز جمعہ 2:15 پر ادا کی جائیگی۔ لیکن اب حکام کی جانب سے جامع مسجد میں مقدس شب قدر اور جمعتہ الوداع کی عظیم تقاریب منعقد کئے جانے کے اجازت نہ ملنے پر انجن اوقات نے سخت برہمی کا اظہار کیا ہے-
