'جاوید قریشی کا بی جے پی سے کوئی تعلق نہیں'

مرکز کے زیر انتظام جموں و کشمیر کے سرینگر میں آج بی جے پی کشمیر ونگ کے رہنماؤں کی جانب سے ایک پریس کانفرنس کا انعقاد کیا گیا۔

اس دوران یوٹی وائس پریزیڈنٹ صوفی یوسف نے کہا کہ کپواڑہ سے تعلق رکھنے والے جاوید قریشی کا پارٹی سے کوئی تعلق نہیں ہے۔ انہوں نے کہا کہ 'جاوید قریشی کو بی جے پی کی جانب سے کوئی ممبر شپ نہیں دی گئی ہے۔'

سکیورٹی کے حوالے سے پوچھے گئے ایک سوال کے جواب میں صوفی یوسف نے کہا کہ 'بی جے پی نے انہیں سکیورٹی نہیں فراہم نہیں کرائی ہے۔ ڈی جی پی سے اس بارے میں پوچھ لیجیے کہ سکیورٹی کن وجوہات پر انہیں فراہم کی گئی ہے'۔

انہوں نے کہا کہ ایسے افراد لوگوں کو دھوکہ دے رہے ہیں اس کے علاوہ بی جے پی کی ساخت کو نقصان پہنچانے کی کوشش کررہے ہیں جو بی جے پی قطعی برداشت نہیں کرے گی اور ایسے افراد کے خلاف سخت کاروائی کی جائے گی'۔