جموں و کشمیر کے گرمائی دارالحکومت سرینگر کے پنزنارہ علاقے میں واقع گرامین بینک میں نامعلوم نقاب پوش بندوق برداروں نے 3 لاکھ 50 ہزار روپے لوٹ لیے۔
پولیس کے مطابق 'پنزناره بس اسٹاپ کے نزدیک واقع گرامين بینک میں آج نقاب پوش بندوق بردار تین لاکھ 50 ہزار روپے لوٹ کر فرار ہونے میں کامیاب ہو گئے'۔
وہیں ایس ایس پی سرینگر ڈاکٹر حسیب مغل نے ای ٹی وی بھارت کو بتایا 'چوری میں تین افراد ملوث تھے۔ پولیس اہلکار موقع واردات پر پہنچ چکے ہیں اور تحقیقات جاری ہے۔ بینک ملازمین سے پوچھ تاچھ کے بعد ہی مزید تفصیلات منظرعام پر لائی جائے گی'۔
یہ بھی پڑھیے
پاکستانی ایئرلائنز سے مشابہت رکھتا غبارہ جموں سے برآمد
واضح رہے کہ اس سے پہلے بھی گرامین بینک میں چوری ہو چکی ہے۔ رواں ماہ کی 12 تاریخ کو بھی نامعلوم بندوق بردار نے بینک کی تنگمرگ (برامُلا) شاخ سے 2.25 لاکھ روپے لوٹ لیے تھے۔ واردات کو انجام دیتے وقت بندوق بردار نے ہوا میں چند گولیاں بھی چلائی تھی۔
