New Bjp Body In Kashmir بی جے پی نے کشمیر میں نئی باڈی تشکیل دی

بی جے پی نے وادی کے لیے نئے میڈیا انچارج، سویشل میڈیا انچارج اور آئی ٹی سیل انچارج مقرر کیے ہیں۔اس کے علاوہ پارٹی نے پارلیمانی نشست اننت ناگ، سرینگر جموں اور ادھمپور نشسستوں کیلئے ثالث نامزد کیے ہیں۔

سرینگر: ایک اہم پیش رفت کے تحت بھارتیہ جنتا پارٹی (بی جے پی) نے صوبے کشمیر میں پارٹی کے عہدے داروں میں تبدیلی کی ہے۔پارٹی کے جموں و کشمیر صدر رویندر رینا کی جانب سے جاری کردہ تین علحیدہ نوٹیفکیشن میں کہا گیا ہے کہ "پارلیمانی نشست اننت ناگ - راجوری کے لیے ویر صراف کو پارٹی کا ثالث نامزد کیا گیا ہے۔ اسی طرح سرینگر پارلیمانی نشست کے لیے مدثر وانی کو ثالث نامزد کیا گیا ہے۔
وہیں نوٹیفکیشن کے مطابق، جموں - ریاسی اور اُدھمپور - ڈوڈہ کے لیے اندرجیت شرما اور ویپن شرما کو بالترتیب پارٹی کی جانب سے بطور ثالث نامزد کیا گیا ہے۔

ی جے پی نے کشمیر میں نئی باڈی تشکیل دی

پارٹی نے وادی میں بی جے پی میڈیا انچارج، سویشل میڈیا انچارج اور آئی ٹی سیل انچارج کو بھی تبدیل کیا گیا ہےنوٹیفکیشن کے مطابق، ساجد یوسف شاہ اب پارٹی کے نئے میڈیا انچارج، ساحل بشیر نئے سوشل میڈیا انچارج اور سلمان شیخ نئے آئی ٹی سیل انچارج نامزد کیے گئے ہیں۔ دلچسپ بات ہے کہ گزشتہ مہینے کی 30 تاریخ کو بی جے پی کی ڈسپلننری کمیٹی کی جانب سے پارٹی میں نظم و ضبط کو خراب کرنے کے لیے منفی سرگرمیوں میں ملوث ہونا اور پارٹی قیادت میں عدم اعتماد کا احساس پیدا کرنے کے الزام میں آٹح پارٹی کے لیڈران کو وجہ بتاو نوٹس آٹھ جاری کیا تھا۔ان لیڈران میں جی ایم میر، ڈاکٹر علی محمد میر، الطاف ٹھاکر، آصف مسعودی، عارف راجا، انور خان، منظور بٹ اور بلال پارے شامل تھے۔

وہیں پارٹی ذرائع کا کہنا تھا کہ "پارٹی کا یہ اسٹریٹجک فیصلہ کشمیر میں پارٹی کی مقبولیت اور مضبوطی کے لیے کیا گیا ہے۔"اُن کا مزید کہنا تھا کہ"ڈسپلننری کمیٹی کی رپورٹ بھی چند روز میں سامنے آئے گی۔ نظم و ضبط کو برقرار رکھنا پارٹی کے ہر ایک کارکن کی ذمہ داری ہے۔ مجھے لگتا ہے، چند روز میں اُن تمام لیڈران کے خلاف کارروائی ہوگی۔ منظور بٹ کو ہٹا دیا گیا ہے، لیکن مجھے ابھی نہیں پتہ کہ کیا یہ ڈسپلننری کمیٹی کی رپورٹ کے پیش نظر ہے یہ نہیں۔"

پارلیمانی نشست کے ثالث کے حوالے سے بات کرتے ہوئے اُن کا کہنا تھا کہ "ویر جی، مدثر جی، اندر جيت جی اور ویپن جی کا کام عوام سے مل کر پارٹی کو مقبول اور مضبوط کرنا ہے۔ اس کے علاوہ پارٹی کی جانب سے کیے گئے اچھے کاموں کے حوالے سے بھی لوگوں کو جانکاری دینا ہے۔"