جموں و وکشمیر بورڈر آف اسکول ایجوکیشن کی جانب سے گیارہویں اور بارہویں جماعت کے سیشن 2020_21کے زیر التواء کے تمام امتحانات گورنر انتظامیہ کی جانب سے منسوخ کیے گئے ہیں۔
یوٹی میں جموں وکشمیر بورڈ کے زیر التواء گیارہویں اور بارہویں جماعت کے رگولر اور پرائیوٹ امتحانات کو منسوخ کیے گئے ہیں۔
ان سبھی امتحانات کو کورونا کی وجہ سے بورڈ نے التوا میں رکھا تھا۔
اس حوالے سے ایل جی کے دفتر کے ذریعے باضابطہ ایک ٹویٹ کیا گیا جس میں کہا گیا ہے کہ کووڈ کی وبائی بیماری سے پیدا شدہ صورتحال اور کورونا وائرس کے پھیلاؤ اور طلبہ کی حفاظت کو مد نظر رکھتے ہوئے 11ویں اور 12 جماعت کے زیر التوا رکھے گئے سبھی امتحانات کو منسوخ کیا جا رہا ہے۔
انتظامیہ کے مطابق مذکورہ جماعتوں کے نتائج جموں وکشمیر بوڑد آف اسکول ایجوکیشن کی جانب سے جلد ہی نئے طریقہ کار کے تحت جاری کیے جائیں گے۔
