مرکزی زیرانتظام جموں و کشمیر کی گرمائی دار الحکومت سرینگر میں آج آل جموں وکشمیر پنچایت کانفرنس کے صدر انیل شرما نے پریس کانفرنس منعقد کی جس میں انہوں نے مرکزی حکومت سے مطالبہ کیا کہ سرپنجوں کو مذید سیکیورٹی فراہم کی جائے۔
اس موقعے پر انہوں نے پاکستان پر الزام عاید کیا کہ پاکستان کشمیر میں ترقی اور خوشحالی نہیں چاہتا۔
انہوں نے دعویٰ کیا کہ گزشتہ دنوں بانڈی پورہ سے تعلق رکھنے والے بی جے پی رہنما وسیم باری، اس کے والد اور بھائی کو پاکستانی ایجنسیوں نے ہلاک کروایا ہے۔
انیل شرما نے کہا کہ سرپنجوں کو عسکریت پسندوں کی جانب سے دھمکیا دی جارہی ہے جبکہ اب تک 19 سرپنجوں کو مارا گیا ہے۔
اس اثنا میں انہوں 40000 ہزار پنچوں و سرپنجوں کی سیکیورٹی کو یقینی بنانے کی مانگ کی ہے۔
انہوں سابقہ حکومتی جماعتوں پر پنچوں و سرپنچوں کا استحصال کرنے کا الزام بھی عاید کیا۔
