محکمہ داخلہ کے پرنسپل سیکرٹری شلین کابرہ نے منگل کو ایک حکمنامہ جاری کرتے ہوئے کہا کہ ملک کی سلامتی، امن و قانون اور سیکورٹی کو مد نظر رکھتے ہوئے گاندربل اور ادھمپور کے علاوہ دیگر اضلاع میں تیز رفتار انٹرنیٹ پر پابندی برقرار رہے گی۔
قابل ذکر ہے کہ انتظامیہ نے گزشتہ ماہ گاندربل اور ادھمپور میں 4G انٹرنیٹ خدمات بحال کئے تھے لیکن دیگر 18 اضلاع میں پابندی بدستور جاری رہی گی۔
جموں و کشمیر میں انتظامیہ نے گزشتہ برس دفعہ 370 کی منسوخی سے قبل 4 اگست کو انٹرنیٹ و فون خدمات پر پابندی عائد کی گئی تھی، اگرچہ فون اور 2G خدمات پر رفتہ رفتہ پابندی ہٹائی گئ تھی لیکن 4G خدمات پر پابندی جاری ہے جس سے عوام اور طلباء کو کافی مشکلات کا سامنا کرنا پڑتا ہے۔
