شوپیاں:جنوبی کشمیر کے شوپیاں ضلع کے کیگام علاقہ میں نامعلوم بندوق برداروں نے ایک عام شہری پر فائرنگ کرکے اسے زخمی کردیا ہے ۔Civilian shot and injured in shopian
ذرائع کے مطابق نامعلوم بندوق برداروں نے چڈرن کیگام شوپیاں میں ایک عام شہری پر گولی مار دی ۔ گولی شہری کے ٹانگ میں لگ گئی۔ شہری کی شناخت فاروق احمد شیخ ولد غلام نبی ساکن کیگام شوپیاں کے بطور ہوئی ہے۔ زخمی شہری کو علاج و معالجہ کے لیے ضلع ہسپتال پلوامہ پہنچایا جہاں پر اس کا علاج جاری ہے۔ بتایا جارہا ہے کہ شہری کی حالت مستحکم ہے۔
کشمیر پولیس نے افیشل ٹویٹر پر تفصیلات دیتے ہوئے لکھا کہ " عسکریت پسندوں نے چڈرن کیگام علاقہ میں ایک عام شہری فاروق احمد شیخ ولد غلام نبی شیخ پر فائرنک کی ۔ حملے میں شہری کی ٹانگ میں چوٹ آئی اور اسے ہسپتال منتقل کر دیا گیا ہے۔ ان کی حالت مستحکم بتائی جاتی ہے۔"
