جنوبی کشمیر کے ضلع شوپیان میں سکیورٹی فورسز اور عسکریت پسندوں کے مابین تصادم شروع ہو گیا ہے۔
شوپیان: مغل روڈ پر انکاؤنٹر شروع
عسکریت پسندوں کو تلاش کرنے کے لئے دو چوپر بھی روانہ
اس کاروائی میں فوج کی 62 راشٹریہ رائفلز سی آر پی کی 14 بٹالین اور جموں و کشمیر پولیس اہلکار شامل ہیں۔
ذرائع کے مطابق پانچ سے چھ عسکریت پسند اس علاقے میں چھپے ہوسکتے ہیں۔ واضح رہے کہ چور کی گلی ضلع ہیڈکوارٹر شوپیان سے تقریباً 35 کلومیٹر کے فاصلے پر پر واقع ہے جو جنگلاتی علاقے ہیں۔ ابھی تلاشی آپریشن جاری ہے۔ ابتدائی فائرنگ کے بعد ابھی علاقے میں خاموشی چھائی ہوئی ہے اور عسکریت پسندوں کو ڈھونڈ نکالنے کی کوششیں جاری ہیں۔
عسکریت پسندوں کو تلاش کرنے کے لئے دو چوپر بھی روانہ کیا گیا ہے۔
واضح رہے کہ اس علاقے میں سال 2014 میں بھی ایک اسی طرح کا انکاؤنٹر ہوا تھا۔
