جنوبی کشمیر کے شوپیان ضلع سے تعلق رکھنے والے طلباء کے لئے فوج کی 44 راشٹریہ رائفلز کی جانب سے یک روزہ ٹور کا اہتمام کیا گیا۔ جس میں طلباء نے ضلع کولگام میں واقع مشہور سیاحتی مقام اہربل کی سیر کی۔
شوپیاں: فوج نے طلباء کے لیے ایک روزہ ٹور کا اہتمام کیا
فوج کے کمپنی کمانڈر نے بتایا کہ کووڈ-19 وبائی بیماری اور پابندیوں کی وجہ سے بیشتر طلباء گھروں میں ہی محدود رہے اور قدرتی نظاروں سے لطف اندوز نہ ہو سکے۔
انہوں نے مزید کہا کہ بھارتی فوج نے طلباء کے ایک گروپ کو ایک روزہ سیر کے لیے اہربل کے دورے پر بھیجا تاکہ وہ قدرتوں نظاروں سے لطف اندوز ہو سکیں اور تازہ ذہنوں کے ساتھ دوبارہ پٹری پر واپس آجائیں اور ایک مثبت ذہنیت کے ساتھ ایک بار پھر اپنی تعلیم پر توجہ مرکوز کر سکیں۔
وہیں اس سیر پر آئے طالب علموں نے فوج کے اس اقدام کی سراہنا کرتے ہوئے مستقبل میں بھی اس طرح کے پروگرام کے انعقاد کی خواہش کا اظہار کیا۔
