رامبن میں ثقافتی پروگرام کا اہتمام

مرکز کے زیرانتظام علاقہ جموں و کشمیر کے پہاڑی ضلع رامبن میں جموں و کشمیر پولیس کی جانب سے ضلع پولیس ہیڈکوارٹر رامبن میں ثقافتی پروگرام کا اہتمام کیا گیا۔

تفصیلات کے مطابق پولیس کی جانب سے وطن کے لیے قربانی دینے والے پولیس اہلکاروں کی یاد میں ضلع پولیس لائن رامبن میں کلچرل پروگرام کا انعقاد کیا گیا، جس میں پولیس افسران و اہلکار بار ایسو سی ایشن ممبران کے علاوہ مقامی لوگوں نے شرکت کی۔

ضلع رامبن کے فنکاروں نے پروگرام میں اپنے فن کا شاندار مظاہرہ کر کے لوگوں کے دل جیت لیے۔

پروگرام کی شروعات ایس ایس پی رامبن حسیب الرحمان نے کی۔ اس موقع پر انہوں نے کہا کہ پروگرام کا مقصد ہلاک شدہ پولیس اہلکاروں کو خراج تحسین پیش کرنا تھا۔ ہلاک شدہ پولیس نے اپنی جان کی پرواہ نہ کرتے ہوئے ملک اور وطن کے لیے اپنی جانیں نچھاور کر دی تھی۔

کلچرل پروگرام میں مقامی ثقافت کا مظاہرہ بھی کیا گیا۔