یہ مزدور علی افغان نامی ایک نجی کمپنی کے خلاف احتجاج کر رہے ہیں۔ مزدوروں نے اپنے مطالبات کے تعلق سے تحصیل ہیڈ کوارٹر کے باہر جم کر احتجاج کیا اور کمپنی کے خلاف نعرے بازی کی۔
ان مزدوں کا کہنا ہے کہ پروجیکٹ مکمل ہونے سے قبل ہی مقامی مزدوروں کو نکالا جا رہا ہے جو کہ سراسر ناانصافی ہے۔
ایک احتجاجی نے ای ٹی وی بھارت سے بات کرتے ہوئے کہا کہ پروجکیٹ کے ختم ہونے کے ساتھ ہی کوئی بھی کمپنی مزدوروں کو نکالتی ہے لیکن یہ پروجیکٹ ابھی مکمل نہیں ہوا ہے اور افغان کمپنی غیر ریاستی مزدوروں کو نکلانے باوجود یہاں کے مقامی مزدوروں کو نکال رہی ہے۔
انہوں نے کہا کہ کمپنی مقامی مزدوروں کے ساتھ سوتیلا پن کا رویہ اختیار کر رہی ہے جو ہرگز برداشت نہیں کیا جاسکتا ہے۔ احتجاجی نے کہا کہ کمپنی کے ساتھ ہماری کوئی لڑائی نہیں ہے، بھارتی مزدور قانون کے تحت جو حقوق حاصل ہیں وہ حقوق فراہم کیے جائیں۔
انہوں نے انتظامیہ اپیل کی ہے کہ ان کی جائز مانگوں کو فوری طور پورا کیا جائے۔
