Ramban Residents Boycott B2V Programme بیک ٹو ولیج پروگرام ایک فضول مشق

ضلع رام بن کے باشندوں کا کہنا ہے کہ تین برسوں سے بیک ٹو ولیج کے دوران لوگ سڑکوں کی مرمت، پلوں کی تعمیر کا مطالبہ کر رہے ہیں جسے آج تک پورا نہیں کیا گیا، اس کے باوجود ’’انتظامیہ محض خانہ پوری کے لیے بیک ٹو ولیج پروگرامز منعقد کر رہی ہے جو ایک فضول مشق ہے۔‘‘ Ramban Residents on Back to Village Programme

رام بن: پہاڑی ضلع رام بن کے سب ڈویژن گول میں بیک ٹو ولیج (چوتھے مرحلے) کے تحت کئی مقامات پر پروگرامز منعقد کیے گئے تاہم لوگوں نے احتجاج کرتے ہوئے بیک ٹو ولیج پروگرام کا بائیکاٹ کیا اور اسے ’’فضول مشق‘‘ قرار دیا۔ Ramban Residents Staged protest on B2V IV

ضلع رام بن کے سب ڈویژن گول میں منعقدہ بیک ٹو ولیج پروگرام کے خلاف لوگوں نے احتجاج کرتے ہوئے کہا: ’’گزشتہ تین بیک ٹو ولیج پروگرامز کے دوران لوگوں سے کیے گئے وعدے وفا کرنے کے بعد ہی انتظامیہ کو چوتھا مرحلہ شروع کرنے کے بارے میں سوچنا چاہئے تھا۔‘‘ لوگوں نے انتظامیہ کو سخت تنقید کا نشانہ بناتے ہوئے کہا: ’’بیک ٹو ولیج میں شرکت کرنے سے مسائل حل نہیں ہوتے، انتظامیہ کو چاہئے کہ پروگرامز کے انعقاد کے بجائے مسائل حل کرنے پر توجہ مبذول کرے۔‘‘

مقامی باشندوں کا کہنا ہے کہ گزشتہ تین برسوں کے دوران منعقد کیے گئے بیک ٹو ولیج پروگرامز، گرام سبھا، بلاک دیوس میں لوگوں نے کئی مطالبات حکام کے سامنے رکھے۔ جن میں بجلی پانی اور سڑکوں سے متعلق بیشتر معاملات ہیں۔ لوگوں کا کہنا ہے کہ تین برسوں سے بیک ٹو ولیج کے دوران لوگ سڑکوں کی مرمت، پلوں کی تعمیر کا مطالبہ کر رہے ہیں جسے آج تک پورا نہیں کیا گیا، اس کے باوجود ’’انتظامیہ محض خانہ پوری کے لیے بیک ٹو ولیج پروگرامز منعقد کر رہی ہے جو ایک فضول مشق ہے۔‘‘