ریاست راجستھان کے دارالحکومت جے پور میں قیام پزیر سید امین القادری نے ای ٹی وی بھارت سے خاص بات چیت کے دوران بتایا کہ موجودہ وقت میں خواجہ صاحب کے پیغامات اور تعلیمات کو عوام تک پہنچانا کافی ضروری ہے اور اسی بات کو لے کر آج میں جے پور تشریف لایا ہوں اور یہاں پر اسی بات کو لے کر میں خطاب کروں گا۔
انہوں نے کہاں کے خواجہ صاحب نے اپنی زندگی میں جس طرح سے محبت کے پیغام کو عام کیا اور جو محبت کے درخت لگائے تھے اس سے آج یہاں کی عوام فیض یاب ہو رہی ہے۔
انہوں نے نشہ کے عادی نوجوانوں کو پیغام دیتے ہوئے کہا کہ اگر کوئی بھی نوجوان نشہ کرتا ہے تو اس نوجوان کے ساتھ ساتھ اس کے خاندان کے لوگوں کو اس کا خمیازہ بھگتنا پڑتا ہے اور اسکی آخرت بھی خراب ہوجاتی ہے۔
سید امین القادری نے کہا کی نشہ کرنے کا مطلب آہستہ آہستہ خود کو موت کے حوالے کردینا ہے، اس لئے میں تمام نوجوانوں کو نشہ سے دور رہنے کی صلاح دینے چاہتا ہوں۔
