پوکھرن فیلڈ فائرنگ رینج میں آکاش میزائل کا کامیاب تجربہ

بھارتی فوج کا جیسلمیر ضلع میں واقع پوکھرن فیلڈ فائرنگ رینج میں آکاش میزائل کے اپ گریڈ ورژن کا تجربہ کامیاب رہا۔ بھارتی فوج کی ساؤتھ ویسٹرن کمانڈ نے اپنے سرکاری ٹویٹر اکاؤنٹ پر یہ معلومات فراہم کی۔

فوجی ذرائع سے موصولہ اطلاعات کے مطابق آکاش میزائل کا کامیاب تجربہ منگل 23 مارچ کو جیسلمیر میں پوکھرن فیلڈ فائرنگ رینج پر کیا گیا جو ساؤتھ ویسٹرن کمانڈ کی فائرنگ کی سب سے بڑی رینج ہے۔

اس میزائل سسٹم کی مدد سے طیارے کو 30 کلومیٹر کے فاصلے اور 18000 میٹر اونچائی تک نشانہ لگایا جاسکتا ہے۔ اس کے علاوہ آکاش میزائل لڑاکا جیٹ طیارے، کروز میزائلوں کے ساتھ ساتھ بیلسٹک میزائل کو غیر موثر کرنے کی صلاحیت رکھتا ہے۔