بی ایس پی کے چھ اراکین اسمبلی کے کانگریس میں شامل ہونے پر بی ایس پی کی سربراہ مایاوتی نے ٹویٹ کر کے بی ایس پی کو دھوکہ باز پارٹی قرار دیا ہے۔ وہیں راجستھان کے وزیراعلی اشوک گہلوت نے کہا کہ اراکین اسمبلی بغیر کسی شرط کے کانگریس میں شامل ہوئے ہیں۔
بی ایس پی کے چھ اراکین اسمبلی کے کانگریس میں شامل ہونے پر بی ایس پی کی سربراہ مایاوتی نے برہمی کا اظہار کیا۔ انہوں نے اپنے ٹویٹر پر ردعمل دیتے ہوئے لکھا کہ ”راجستھان میں کانگریس پارٹی کی حکومت نے ایک بار پھر بی ایس پی کے اراکین اسمبلی کو توڑ کر غیر بھروسے مند اور دھوکہ باز پارٹی ہونے کا ثبوت دیا ہے۔ یہ صریح غداری ہے جو دوبارہ اس وقت کیا گیا ہے جب بی ایس پی وہاں کانگریس کو باہر سے بغیر کسی شرط کے حمایت دے رہی تھی”۔
بی ایس پی کے اراکین اسمبلی کے کانگریس میں شامل ہونے پر وزیراعلی اشوک گہلوت نے کہا کہ ان کا ردعمل آنا فطری ہے۔ لیکن ان کو یہ سمجھنا ہوگا کہ کانگریس نے انہیں کوئی عہدے کا لالچ نہیں دیا ہے۔ انہوں نے حلقے کی ترقی کے لئے ایسا فیصلہ کیا ہے۔
