اس احتجاج کو خاموش احتجاج کا نام دیا گیا، اس احتجاج میں پاپولر فرنٹ آف انڈیا کے ذمہ داران و اراکین، اپنے ہاتھوں میں تختیاں لے کر پہنچے۔
پاپولر فرنٹ آف انڈیا تنظیم کے اجمیری گیٹ علاقہ کے سکریٹری مشتاق احمد نے بتایا کہ 'پاپولر فرنٹ آف انڈیا تنظیم کی جانب سے یہ مہم چلائی گئی ہے۔ اس مہم کے تحت آج دارالحکومت جے پور میں چار مقامات پر احتجاج کیا گیا جن میں اجمیری گیٹ، عیدگاہ، سانگانیر اور آمیر شامل ہیں۔
انہوں نے کہا کہ ہم یہاں سے یہ خاموش احتجاج کر کے یہ مطالبہ کرتے ہیں کہ ہمیں انصاف دیا جائے، تنظیم کے محمد عمران خان نے بتایا کہ آج ایک خاص مذہب کے لوگوں کو نشانہ بنایا جارہا ہے جو غلط بات ہے اس لیے ہم حکومت سے یہ مطالبہ کرتے ہیں کہ ہمارے ساتھ انصاف کیا جائے۔
عمران نے کہا کہ جو بھی قانون کے ذریعے کارروائی کی جائے گی وہ ہمیں منظور ہو گی لیکن جس طرح سے آج ایک خاص مذہب کے لوگوں کو نشانہ بنایا جارہا ہے وہ ہمیں کسی بھی صورت میں منظور نہیں ہے ہم حکومت سے یہ سوال کرتے ہیں کہ ان لوگوں کا کیا قصور ہے جو آج بلا وجہ جیلوں میں بند ہیں، عمران نے کہا کہ شہریت ترمیمی قانون، دہلی فساد ان سب میں مسلمانوں کو ٹارگٹ کیا جا رہا ہے۔
