راجستھان: پانچ ماہ بعد اسکول اور کالج میں رونق

راجستھان حکومت نے آج یکم ستمبر سے اسکول اور کالج جو گزشتہ پانچ ماہ سے بند تھے دوبارہ کھول دیے ہیں۔

بھارتی ریاست راجستھان میں عالمی وبا کورونا وائرس کے کیسز کم ہونے کی وجہ سے ریاست میں نویں سے بارہویں درجہ تک کے اسکول اور کالجز یکم ستمبر سے کھول دیے گئے ہیں۔

کالج اور اسکول کھولنے کی وجہ سے طلبا کے چہروں پر خوشی نظر آئی، وہی ای ٹی وی بھارت کی ٹیم نے اسکول اور کالج کا جائزہ لینے کے لیے جے پور کے الگ الگ علاقوں کا دورہ کیا۔

جے پور کے گھاٹ گیٹ علاقے میں واقع آہنگران کالج اور اسکول میں سماجی فاصلے کے ساتھ طلبہ کو بٹھایا گیا، جو طالب علم بنا ماسک لگائے اسکول اور کالج پہنچے تھے ان تمام طلبہ کو اسکول کی جانب سے ماسک فراہم کیا گیا۔