پولیس کے مطابق ضلع کے مہاجن قصبے کے نزدیک پیر کی رات ٹریکٹر ٹرالی کو اوورٹیک کرتے وقت موٹرسائیکل سامنے سے آنے والی ایک کار سے ٹکراگئی۔کار کی ٹکر لگنےسے موٹرسائیکل پر سوار ایک شخص اچھل کر ٹرالی میں جاگرا۔
ٹریکٹر ٹرالی کے ڈرائیور کو اس کا پتہ ہی نہیں چلا ۔ تقریباً 18کلومیٹر دور ٹول ناکے پر جب ڈرائیور ٹول کی پرچی کٹوانے لگا،تب ناکے کے ملازمین کی نظر پڑنے پر اس کا پتہ چلا لیکن تب تک نوجوان دم توڑ چکا تھا۔
بعد میں لاش کو مہاجن کے سرکاری ہسپتال لایا گیا۔موٹرسائیکل پر سوار دوسرے شخص نے بیکانیر کے پی بی ایم ہسپتال لے جاتے وقت راستے میں دم توڑ دیا۔
حادثے میں کار میں سوار ایک شخص بھی زخمی ہوگیا،جبکہ ایک خاتون سمیت تین افراد بال بال بچ گئے۔
مہاجن تھانہ انچارج ایشور سنگھ نے بتایا کہ رات تقریباً ساڑھے آٹھ بجے نیشنل ہائی وے پرمہاجن سے ارجن سر کی طرف تقریباً دو کلومیٹر دور بجلی گھر کے پاس ہوئے اس حادثے میں مہاجن کے رہنے والے جوراورسنگھ بھاٹ(23)اور اس کے دوست کالورام نائک(25)کی موت ہوگئی اور کار میں سوار بیانیر کا رہنے والا امت زخمی ہوگیا۔
