راجستھان میں جہاں ایک طرف کانگریس حکومت اپنے دو برس مکمل ہونے کی خوشی منا رہی ہے اور کروڑوں روپے کی اسکیم کی افتتاح کی جارہی ہے تو وہیں دوسری جانب کانگریس پارٹی سے آدرش نگر اسمبلی حلقہ سے رکن اسمبلی رفیق خان نے اپنے ہی علاقے کے پولیس اسٹیشن کے باہر احتجاجی مظاہرے کر رہے ہیں۔
یہاں جے پور کے ٹرانس پورٹ نگر پولیس تھانے کے باہر خود رکن اسمبلی رفیق خان اور کثیر تعداد میں مقامی باشندے اور پارشد موجود ہیں اور راجستھان پولیس کے خلاف جم کر نعرے بازی کی جارہی ہے، یہاں سے یہ مطالبہ کیا جا رہا ہے کی پولیس محکمہ کے اعلی افسران صحیح سے کارروائی نہیں کر رہے ہیں۔
آدرش نگر اسمبلی حلقے سے رکن اسمبلی رفیق خان نے ای ٹی وی بھارت سے خاص بات چیت کے دوران بتایا کہ پولیس کے افسران صحیح طرح سے کارروائی نہیں کر رہے ہیں، انہوں نے بتایا کہ دو برس ایک واقعہ پیش آیا تھا جس میں کانگریس کارکنان کے اوپر کسی نے چاقو سے حملہ کردیا تھا، لیکن اس کے بعد بھی اس معاملے میں ملوث مجرموں کو پولیس کی جانب سے حراست میں نہیں لیا گیا اور جس کانگریس کارکنان نے معاملے کی شکایت درج کروائی تھی اور جو پورے معاملے میں زخمی ہوا تھا اس کو پولیس کی جانب سے گرفتار کر لیا گیا۔ یہ کہاں کا انصاف ہے۔ اس لئے آج میں یہاں خود پہنچا ہوں اور ان تمام افسران کو چھوڑنے کا مطالبہ کر رہا ہوں۔
انہوں نے کہا کہ میرے اسمبلی حلقے میں اس طرح کے پولیس کے افسران کا کوئی کام نہیں ہے۔ وہیں لوگوں کی جانب سے پولیس اسٹیشن کے باہر راستہ بھی جام کردیا گیا ہے۔
