یہ میلہ یکم ستمبر تک جے پور میں واقع جواہر کلا کیندر میں جاری رہے گا۔ اس میلے کو خاص نام 'مہارا ہنر ہاٹ' دیا گیا ہے۔ میلے میں بھارت کے الگ الگ کونے سے دکاندار پہنچے ہیں۔ میلے میں کی گئی خوبصورت سجاوٹ اپنے آپ میں ہی الگ سا ماحول پیش کر رہی ہے۔
میلے میں ہاتھ سے بنی ہوئی ہر چیز نظر آرہی ہے جس میں مشینوں کا استعمال بالکل بھی نہیں کیا گیا ہے۔ یہاں پر راجستھان کی ثقافت بھی نظر آ رہی ہے۔ میلے میں داخلہ صبح 11 بجے سے رات کو 10 بجے تک مفت رکھا گیا ہے۔
واضح رہے کہ گذشتہ روز میلے کی افتتاح کرنے کے لیے مرکزی وزیر مختار عباس نقوی جے پور آنے والے تھے لیکن سابق وزیر کا انتقال ہو جانے کی وجہ سے افتتاح بی جے پی کے مقامی رہنماؤں کی جانب سے کیا گیا۔
ایک خاتون کا کہنا ہے کہ 'میلے میں بہت زیادہ مزہ آ رہا ہے۔ لوگوں سے یہ درخواست کی ہے کہ وہ یہاں آئیں اور سامان خرید کر جائیں۔'
میلے میں مرکزی حکومت کی جانب سے اقلیتی طبقے کے لیے الگ الگ اسکمیز چلائی جا رہی ہیں۔
اخلاق خان نامی دکاندار کا کہنا ہے کہ 'یہاں پر ریسپانس کافی اچھا مل رہا ہے۔'
