یہ احتجاجی مظاہرہ جےپور کے ایم ڈی روڈ پر کیا گیا۔ اس مظاہرے میں شریک ہونے کے لیے جےپور ہی نہیں بلکہ الگ الگ مقامات سے ہزاروں کی تعداد میں لوگ پہنچے۔
لوگوں نے اپنے غصے کا اظہار کرتے ہوئے کہا کہ 'ہمیں یہ نیا قانون کسی بھی صورتحال میں منظور نہیں ہے۔ کیونکہ اس قانون سے ملک تقسیم ہوگا اور جس قانون سے ہمارے ملک کو نقصان ہو وہ قانون ہمیں کسی بھی صورتحال میں منظور نہیں ہے۔'
پروگرام کے سربراہ نے ای ٹی وی بھارت سے بات چیت کے درمیان بتایا کہ 'یہ پروگرام مرکزی حکومت کے خلاف کیا جارہا ہے۔ کیونکہ جو شہریت ترمیمی قانون لایا گیا ہے وہ کسی بھی صورت میں ہمیں منظور نہیں ہے۔
واضح رہے کہ یہ پروگرام پہلے کربلا گراؤنڈ میں ہونے والا تھا۔ لیکن جگہ میں تبدیلی کرنے کے بعد اس پروگرام کو جے پور کے ایم ڈی روڈ پر رکھا گیا۔
اس مارچ میں ریاست کے وزیراعلی اشوک گہلوت اور ریاستی کانگریس حکومت کے تمام وزراء کے ساتھ ساتھ عوام ہزاروں کی تعداد میں موجود رہی۔
