بھیلواڑہ: راجستھان کے بھیلواڑہ شہر میں ڈکیتی کی بڑھتی ہوئی وارداتوں کو دیکھتے ہوئے پولیس اب صبح کے اوقات میں بھی گشت کرے گی اور چوروں پر نظر رکھے گی۔ ایڈیشنل سپرنٹنڈنٹ آف پولیس جیشتھا میتری نے کہا کہ صبح 5 بجے سے گشت بند ہو جاتا ہے۔ ایسے میں اب جرائم پیشہ افراد نے صبح کے وقت وارداتیں کرنا شروع کر دی ہیں، اس کے پیش نظر اب کچھ پولیس اہلکار جرائم پیشہ افراد پر نظر رکھنے کے ساتھ ساتھ صبح بھی گشت کریں گے، ایسا منصوبہ بنایا جا رہا ہے۔ Theft incident in Bhilwara city
انہوں نے کہا کہ پولیس اب چھوٹی چھوٹی وارداتوں پر بھی فوری کارروائی کرے گی۔ ایک سوال کے جواب میں انہوں نے کہا کہ سٹی کنٹرول روم پرکسی بھی وقت واقعہ/حادثے کی اطلاع دے سکتے ہیں۔ پولیس فوراً حرکت میں آئے گی۔ انہوں نے شہر کے مالک مکانوں سے اپیل کی ہے کہ وہ کرایہ داروں کو اپنے گھر میں رکھنے سے پہلے ان کے بایو ڈاتا لے لیں تاکہ ضرورت پڑنے پر وہ ان کے کام آسکے۔ آج شہر میں بہت سے کرایہ دار ایسے ہیں جن کے مالکان کو ان کا علم نہیں ہے۔
یہ بھی پڑھیں: A Very Old Woman Attacked and Looted in Rajasthan: راجستھان میں 108 برس کی خاتون کا گلا اور پیر کاٹ کر لوٹنے کا واقعہ
انہوں نے شہر کے تاجر طبقے سے اپیل کی ہے کہ وہ اپنے اداروں اور گھروں پر سی سی ٹی وی کیمرے لگائیں تاکہ مجرمانہ واقعات پر نظر رکھی جاسکے۔ انہوں نے کہا کہ ڈکیتی کی حالیہ وارداتوں کے ملزمان بھی سی سی ٹی وی کیمروں کی مدد سے پکڑے گئے ہیں۔ شہر میں ابھے کمانڈ کے دو سو سے زیادہ کیمرے کام کر رہے ہیں۔ جس کی وجہ سے شہر کے مختلف علاقوں کی نگرانی کی جا رہی ہے۔ انہوں نے یہ بھی کہا کہ اگر کوئی کیمرہ فیل ہو جائے تو اسے 24 گھنٹے کے اندر ٹھیک کرنے کا انتظام کیا گیا ہے۔
یو این آئی
