کورونا وائرس کی روک تھام کے لئے "ون وے" لاگو کیے جانے کے سلسلہ میں ڈسٹرکٹ کلکٹر پرکاش راج پروہت کی ہدایت پر پولیس انتظامیہ میونسپل کارپوریشن اور محکمہ پبلک ورکس نے مشترکہ طور پر شہر کے مختلف بازاروں میں بلاک لگا کر بغیر کسی کام کے گھومنے والے لوگوں کی روک تھام کے لئے کوششیں شروع کی ہیں۔
ڈسٹرکٹ کلکٹر پرکاش راج پروہت نے انسیڈنٹ کمانڈروں کو بھی سخت ہدایات دی ہیں کہ کووڈ ۔19 کے تناظر میں مرکز اور ریاستی حکومتوں کی گائیڈ لائنز کو لوگوں اور عوام سے موثر انداز میں نبھایا جائے۔ انہوں نے تمام انسیڈنٹ کمانڈروں کو فیلڈ میں رہنے کی ہدایت کی ہے اور ان سے کہا ہے کہ پروٹوکول کی خلاف ورزی کرنے والوں کے خلاف سخت کارروائی کریں۔
اس ضمن میں کلکٹر پرکاش راج نے دکانوں کے سامنے سوشل ڈسٹسنگ کے لیے دائرے نہیں بنائے جانے پر بھی دکانوں کو سیل کرنے کا حکم دیا ہے۔ قابل ذکر ہے کہ ضلع اجمیر میں کورونا وائرس کی تعداد روزانہ بڑھ رہی ہے اور ضلع انتظامیہ حالات پر قابو پانے کے لئے پوری طرح سرگرم ہے۔
